नक्सली मन करिस गोली मार के एक ग्रामीण के हत्या, पुलिस मुखबिरी के आरोप, घटनास्थल म फेंकिन पाम्पलेट 

कांकेर। बीती रात दुर्गकोंदूल थाना इलाका म पुलिस के मुखबिरी के शक म नक्सली मन ह फेर एक झन ग्रामीन के हत्या कर दिस। मृतक कोंडे गांव के दादूराम कोरेटिया हरे, जेकर नक्सली मन गोली मार दिस। घटना के सूचना मिले के बाद पुलिस पार्टी ह घटनास्थल बर रवाना होईन हे।

जानकारी के मुताबिक बीती रात करीब 8 बजे कोंडे गांव म अचानक नक्सली मन ह ग्रामीण दादूराम कोरेटिया के घर पहुंच गे। ओला पुलिस के मुखबीर बतात टंगिया अउ गोली मार के उंखर हत्या कर दिस। उंहे आसपास म बड़कन नक्सली बैनर लगाए हे अउ पाम्पलेट घलो फेंके हे, जेमा दादूराम ल पुलिस के मुखबीर बताए हे। संगे-संंग धारा 370 ल रद्द करे हे तेकर विरोध जतात 30 अगस्त के भारत बंद के आह्वान करे हे। घटना के पुष्टि कांकेर जिला के एसपी केएल ध्रुव ह करिन हे।