दर्दनाक सड़क हादसा…एक ही गांव के चार युवक के मउत

बलौदाबाजार। बलौदाबाजार-भाटापार जिला म बुधवार बिहनिया होए एक दर्दनाक सड़क हादसा म चार युवक मन के मउत हो गिस। चारों युवक एक ही गांव के बताए जात हे। युवक मन के शिनाख्ती अभु नइ हो पाइस हे। मउका म पुलिस के टीम पहुंच के घटना के जांच करत हवय।

बुधवार बिहनिया गिधौरी-रायपुर मार्ग के बीच डोंगरीडीह के तीर एक अज्ञात तेज रफ्तार भारी वाहन ह दू अलग-अलग बाइक म सवार चार युवक मन ल अपन चपेट म ले लिस, जेखर ले चारों के मउका म ही मउत हो गिस हे।

सूत्र मन के अनुसार सबो मृतक मन के उमर 18 ले 20 बरिस के बताए जात हे। अउ सबो डोंगरा गांव के रहइया हे। ए घटना के बारे म स्थानीय लवन पुलिस चउकी ले जानकारी मांगे गिस त उंखर तीर  मृतक मन के बारे म विस्तृत जानकारी नइ मिल पाइस हे।