राजधानी के नौ विद्युत कार्यालय मन म 91 लाख रूपिया ले अधिक के कर बकाया, निगम ह वसूली बर भेजिस नोटिस

जय जोहार रायपुर…. सरकारी विभाग ह निगम के टैक्स ल दबाके बैठ गे हे। नगर निगम ह टैक्स नई पटाने म 9 विद्युत कार्यालय मन ल नोटिस जारी करिस। ये कार्यालय के ओर ले वर्ष 2010 ले निगम ल कर के आदयगी नई करे गे हे। ये कार्यालय मन म 91 लाख रूपिया ले अधिक के कर बकाया हे।

निगम उपायुक्त पुलक भट्‌टाचार्य ह बताइन कि 2010 ले नौ बिजली कार्यालय मन म निगम के 91 लाख रूपिया टैक्स बकाया हे। राजस्व वसूली के अभियान के तरह पहिली नोटिस भेजे गिस हे। नोटिस के बाद टैक्स नई भरही, तो नियमानुसार कुर्की अऊ नीलामी के कार्रवाई करे जाही। जेन नौ बिजली कार्यालय मन ल नोटिस भेजे गिस हे, ओमन म सबसे ज्यादा 51 लाख रूपिया केवल पं. ईश्वरी चरण शुक्ल वार्ड कार्यालय के हे।