लोकसभा चुनाव के तीसर चरन बर अधिसूचना आज

रायपुर. मुख्य चुनाव पदाधिकारी सुब्रत साहू ह बताइन के अधिसूचना जारी होय के संग ही प्रदेस म तीसर अउ अंतिम चरन म सात लोकसभा क्षेत्र मन बर नामांकन करे के प्रक्रिया सुरू हो जाही.

तीसर चरन बर प्रत्याशी अपन नामांकन 4 अप्रैल तक सासकीय अवकाश ल छोड़ के कार्यालयीन दिवस मन म प्रात: 11:00 ले दुपहर 3:00 बजे तक दाखिल कर सकत हे. 5 अप्रैल के नामांकन पत्र मन के जांच हो ही. अभ्यर्थी 8 अप्रैल तक नामांकन पत्र वापिस ले सकत हे. ये चरम म रायपुर, बिलासपुर, दुर्ग, जांजगीर, रायगढ़, कोरबा अउ सरगुजा क्षेत्र मन के मतदाता 23 अप्रैल के अपन मताधिकार का प्रयोग कर ही. साहू ह बताइस के, तृतीय चरन के मतदान बर व्यापक तइयारी कर ले गे हे.