Raipur: शिक्षित बेरोजगार ल रोजगार उपलब्ध कराय बर आनलाइन प्लेसमेंट कैंप 17 नवंबर ले, पढो पूरा खबर

जय जोहरा…. (Raipur) जिला रोजगार अऊ स्वरोजगार मार्गदर्शन केन्द्र रायपुर के तरफ ले छत्तीसगढ़ के शिक्षित बेरोजगार युवा मन ल रोजगार उपलब्ध कराय बर 17 ले 19 नवंबर तक प्लेसमेंट कैंप के आयोजन करे गे हे। प्लेसमेंट कैप ह पुराना पुलिस मुख्यालय परिसर के रोजगार कार्यालय म आनलाइन आयोजित करे जाही।

ए प्लेसमेंट कैंप के माध्यम ले निजी क्षेत्र के नियोजक पात्रा इंडिया बीपीओ सर्विसेस प्राइवेट लिमिटेड, रायपुर (Raipur) के तरफ ले वर्कस फाम होम के तहत रिमोट प्रोसेस एक्सीक्यूटिव ट्रेनी के 40 ले जादा पद पर भर्ती करे जाही। जेखर बर डिग्री कोर्स, डिम्लोमा, बीई, बीटेक, स्नातकोत्तर अभ्यर्थी ह आवेदन कर सकत हे। ए पद बर 10 हजार रुपया प्रतिमा नियोक्ता के तरफ ले तय करे गे हे।

आवेदक मन के पास खुद के कम्प्यूटर, लेपटाम, जेमा हाई स्पीड इंटरनेट के सुविधा उपलब्ध होय के संगेसंग आवेदक मन ल एमएस आफिस म दक्षता अनिवार्य हे। (Raipur) ये पद म भर्ती बर इच्छुक आवेदक ह 17,18 अऊ 19 नवंबर के जिला रोजगार अऊ स्वरोजगार मार्गदर्शन केंद्र रायपुर के कक्ष क्रमांक 5 म आवेदन जमा कर सकत हे।