जय जोहार। बालोद जिला (Balod District ) ह जैविक खेती के डहार तेजी ले अग्रसर होवत हे। इंहा के गौठान म संचालित बाड़ी म रासायनिक खाद के प्रयोग नई होही,सिरिफ जैविक खाद के ही उपयोग करे जाही। इंहा के 144 ठीन गौठान म जैविक खाद अउ दवाई के उपयोग कर साग-सब्जी के उत्पादन होही । ए संबंध म बालोद कलेक्टर कुलदीप शर्मा ह निर्देस देहे कि साग-सब्जी म प्रयोग करे जवइया रासायनिक खाद अउ कीटनाशक दवा के दुष्प्रभाव ले बचे बर जिला के गौठान म केवल आर्गेनिक साग-सब्जी के उत्पादन करे जाही ।
समय-सीमा के बइठक म कलेक्टर ह गौठान म निर्मित सब्जी बाड़ी म कोनो स्थिति म रासायनिक खाद अउ कीटनाशक दवाई के प्रयोग नई करे ल कहे हे । वोहा एखर बदले गौठान म निर्मित जैविक खाद अउ कीटनाशक दवाई, वर्मी कम्पोस्ट, जीवामृत अउ ब्रम्हास्त्र आदि के शत-प्रतिशत उपयोग करे के निर्देस देहे । उल्लेखनीय हे कि बालोद जिला म 373 गौठान हे , जेमा ले 144 ठीन गौठान म बाड़ी बनाए गेहे। ए गौठान म जैविक खाद अउ दवाई के उपयोग कर आर्गेनिक साग-सब्जी के उत्पादन करे जाही ।
Other Articles
chhattisgarh के चार ठीन अउ अस्पताल ल मिले हे एनक्यूएएस सर्टिफिकेशन, पढ़व
