मुख्यमंत्री भूपेश बघेल 5 जुलाई के अपन निवास कार्यालय ले गोधन न्याय योजना के राशि अंतरण करे बर आयोजित वर्चुअल कार्यक्रम म पशुपालक ग्रामीण, गौठान ले जुड़े महिला समूह अऊ गौठान समिति मन के 18 करोड़ 47 लाख रुपिया के राशि ऑनलाईन जारी करही। एमा 15 जून ले 30 जून तक गौठान म पशुपालक ग्रामीण, किसान, भूमिहीन मन ले खरीदे गे 2.52 लाख क्विंटल गोबर के बदला म 5.05 करोड़ रुपिया, गौठान समिति मन के 7.79 करोड़ रुपिया अऊ महिला समूह मन के 5.53 करोड़ रुपिया के लाभांश राशि शामिल हे।
गोधन न्याय योजना ले गोबर खरीदी म स्वावलंबी गौठान मन के भूमिका हर पखवाड़ा सरलगहा आगू बाढ़त हे। कई पखवाड़ा ले गोबर खरीदी के बदला भुगतान करे जाने वाला राशि म स्वावलंबी गौठान मन के हिस्सेदारी 60 ले 70 प्रतिशत तक हो गे हे। आज के स्थिति म 60 प्रतिशत ले जादा गौठान ह स्वावलंबी हो गे हे। जेन मन स्वयं के राशि ले गोबर अऊ गौमूत्र के खरीदी के संगे-संग दूसर व्यय, खुदे के राशि ले करत हे।
No Comment! Be the first one.