जय जोहार। (Raipur) जिला रोजगार अउ स्वरोजगार मार्गदर्शन केन्द्र रायपुर डहार ले स्थानीय शिक्षित बेरोजगार युवा ल रोजगार उपलब्ध कराय बर 27 जनवरी के प्लेसमेंट कैम्प के आयोजन करे गेहे। ए प्लेसमेंट कैम्प ह एक्सटेंशन काउंटर, कमर्शियल काम्प्लेक्स राखी, दुकान नं0 07, नवा रायपुर म बिहनिया 11 बजे ले मंझनिया 2 बजे तक लगही।
ए प्लेसमेंट कैम्प के माध्यम ले टॉप कैरियर सर्विसेस अउ अलर्ट एस.जी. एस. प्रायवेट लिमिटेड रायपुर डहार ले सिविल इंजीनियर, टैली कॉलर, सुपरवाईजर, अकांटेंट, सेल्स पर्सन, हैल्पर, वर्किंग पार्टनर, मार्केटिंग मैनेजर, फिल्ड ऑफिसर, हेड गार्ड के 625 पद म भर्ती करे जाही। ए पद म 8वीं ले स्नातक/स्नातकोत्तर, बी.ई. सिविल अउ टैली ई.आर.पी.-09 उत्तीर्ण आवेदक मन के भर्ती करे जाही। ए पद बर न्यूनतम 8 हजार रुपिया ले 20 हजार रुपिया प्रतिमाह वेतनमान दे जाही ।
ए प्लेसमेंट कैम्प म सम्मिलित होय के इच्छुक अउ योग्य आवेदक अपन संग शैक्षणिक,तकनीकी योग्यता,अनुभव प्रमाण-पत्र, बॉयोडाटा के संग निर्धारित बेरा म उपस्थित हो सकत हे । ए संबंध म जादा जानकारी बर आवेदक जिला रोजगार कार्यालय रायपुर म घलो संपर्क कर सकत हे।
No Comment! Be the first one.