जय जोहार । सीएम भूपेश बघेल ((CM Bhupesh Baghel)) ह गणतंत्र दिवस के अवसर म आज जगदलपुर के लाल मैदान म ध्वजारोहण करीन अउ परेड के सलामी लीन । एअवसर म सीएम ह प्रदेस वासी मन ल हलबी अउ छत्तीसगढ़ी म संबोधित करीन । मुख्यमंत्री ह किहीन कि हमर भारत के सबले बड़े तिहार, गणतंत्र दिवस के बेरा म हमर सियान मन ल, दाई-दीदी मन ल, भाई-बहिनी- संगवारी अउ नोनी-बाबू मन ल जय जोहार।
आज हमर संविधान के जय-जयकार करे के दिन हवय। आज जम्मो रहवइया मन, जम्मो मनखे मन के घलोक जय-जयकार करे के दिन हे। काबर के गणतंत्र के बिचार म जम्मो मनखे के अधिकार समाय हवय। इही हमर संविधान के खूबसूरती हे जेखर बर हमर पुरखा मन सहादत दीन अउ अंगरेज मन ल खदेड़ के हमन ल आजादी दिलाइस।
ओखर पाछू अइसन संविधान बनाइन जेला खुद ‘हम भारत के लोग’ मन ह, खुद ल अरपित करे हन। याने के हर मनखे के संविधान हे जेखर सेती मतदाता मन के वोट ले सरकार बनथे। अइसन संविधान अउ लोकतंत्र ल बचाय के जिम्मेवारी अब हमर अउ अवइया पीढ़ी के हवय।
Other Articles
No Comment! Be the first one.