नाबालिग ले दुष्कर्म के प्रयास, फरार आरोपी ल पुलिस ह करिस गिरफ्तार

कांकेर। नाबालिग ले दुष्कर्म के प्रयास करके भाग गे रिहिस एक आरोपी ल पखांजूर पुलिस ह गिरफ्तार करिस हे। आरोपी गौरव मंडल ह एक महीन पहिली 30 जून के 15 साल के नाबालिग ले छेड़खानी करत दुष्कर्म करे के प्रयास करत रहीस, फेर अपन नापाक मनसूबा म कामयाब नई हो पाइस तेखर बाद वो ह फरार हो गे रिहिस।

मामला के शिकायत पखांजूर थाना म करे गी रिहिस। पुलिस ह मामला दर्ज करिन अउ आरोपी के तलाश म जुटे रिहिस। मुखबिर ले  मिले सूचना के आधार म पखांजूर थाना प्रभारी शरद दुवे के अगुवाई म आरोपी ल गिरफ्तार कर न्यायिक अभिरक्षा म भेजे गिस हे।