रायपुर। छत्तीसगढ़ प्रगतिशील करमचारी महासंघ के नेतामन के खेलाफ पुलिस ह बलवा के प्रकरन दरज करिन हे । सोमवार के करमचारी संघ ह बिना अनुमति ले सीएम हाउस घेरे बर जुलूस निकालिस हे। जुलूस के कारन सहर म यातायात बेवस्था चरमरा स हे। लोगन ल काफी दिक्कत मन के सामना करना पडिस। जुलूस ल नियंत्रित करे बर पुलिस ल लाठी घलो लहराय पड़िस। पुलिस ह करमचारी संघ के प्रांताध्यक्ष अनिल देवांगन समेत 8 के खेलाफ नामजद मामला दरज करे गिस हे। केस दरज होय के बाद अब कोनो बेरा म हो सकत हे, अनियमित करमचारी संघ के नेतामन के गेरफ्तारी।
गोलबाजार पुलिस के मुताबिक करमचारी संघ के प्रांताध्यक्ष अनिल कुमार देवांगन, राधेश्याम देवांगन, अजीत कोसरिया, संतोष कुमार देवांगन, कविता निर्मलकर, रूखमणी बंजारे. सकुंतला मंडई, बालाराम अउ अन्य नेतामन ह अपन मांग मन ल लेके सोमवार संझा साढ़े पांच बजे शारदा चउक मुख्य मारग म धरना प्रदरसन करिन हे। आवागमन बाधित होय म सबो के खेलाफ केस दरज करे हे।
बतादन के राज्य म विधानसभा चुनाइ म कुछु ही बखत बचे हे। अइसे म सरकारी करमचारी संघ अपन मांग मन ल लेके लगातार प्रदरसन करत हे। करमचारी मन के प्रदरसन के खामियाजा आम लोगन के भुगतना पड़त हे। सड़क मन जाम होय के कारन लोगन के आवश्यक काम बाधित होवत हे। जरूर सेवामन घलो प्रभावितहोइस हे। जेखर ले आम लोगन म काफी आक्रोश हे।
