झीरम के जांच ल प्रभावित करिस प्रधानमंत्री , सीबीआई अऊ एनआईए ल बनाये हे कठपुतली

जय जोहार रायपुर….कांग्रेस के महामंत्री शैलेश नितिन त्रिवेदी ह किहिस कि झीरम काण्ड के जांच रोके बर कोन कोन हे तेमन ल छत्तीसगढ़ के जनता बखूबी जानथे, महामंत्री ह किहिस कि प्रधान मंत्री २०१४ के चुनाव म धमतरी में कहे रिहिस कि झीरम के गुनाहगार मन ल सजा मिलहि ,

लेकिन प्रधानमंत्री बने के बाद जाँच तो दूर बल्कि जांच म बाधा पहुंचाय के काम करात हे, झीरम के जांच सीबीआई ले कराय के प्रस्ताव विधानसभा म पारित होय के बाद भी जांच नई कराये गिस, दूनो जांच एजेंसी ल प्रधानमंत्री ह अपन कठपुतली बना के रख डारे हे.