आप जानना चाहू कि काबर बैंक पहुंचिन कांग्रेसी मन…..पढ़व पूरा खबर

रायपुर। पेट्रोल-डीजल के लगातार बढ़त कीमत मन के विरोध करे बर आज कांग्रेसी मन ह यूनाइटेड बैंक आफ इंडिया के बूढ़ा तालाब शाखा पहुंच के लोन बर आवेदन दे दिस हे। कांग्रेसी मन के आय के सूचना मिलत ही इहां भारी संख्या म पुलिस बल तैनात कर दे गिस हे। प्रदेश कांग्रेस व्यापार प्रकोष्ठ के अध्यक्ष कन्हैया अग्रवाल ह आरोप लगात हुए कहिन कि सरकार कॉर्पोरेट घराना मन के दबाव म लगातार मूल्य वृद्धि ल बढ़ावा देवत हे। येकर चलत आमजन मन के जीना मुहाल हो गेहे। पेट्रोल-डीजल के दाम बढ़े ले अन्य चीज मन के दाम घलोक उही रूप ले बढ़त हे। पहिलि ले महंगाई के बोझ ले दबे जनता म ये अतिरिक्त आर्थिक भार हे।
उमन ह कहिन कि पेट्रोल-डीजल अउ रसोई गैस के दाम ह सुरसा के मुंह के तरह ले लगातार बढ़त जात हे अउ सरकार महंगाई के दौर म पंप बंद कर चुके कंपनी मन के फायदा बर कच्चा तेल के कम कीमत के बावजूद रेट कम नइ होवन देवत हे। उमन कहिन कि सरकार ल देश के 125 करोड़ जनता मन के चिंता नइए, जे मन ह पेट्रोलियम पदार्थों के मूल्य वृद्धि के चलत बेहाल होगे हे अउ महंगाई के मार ले त्रस्त हवय। उमन कहिन कि सरकार के जन विरोधी नीति के विरोध म जन जागरण अउ सरकार ल जगाये के काम जारी रह ही। पेट्रोल-डीजल के दाम मन म लगातार होवत वृद्धि के खिलाफ अउ पेट्रोल-डीजल खरीदे बर आज कांग्रेसजन बैंक म लोन बर आवेदन देवत दिखिस।