हेल्थ वर्कर के ए सवाल ले ‘परेशान’ हो गिस राहुल अउ सिंहदेव

रायपुर. राजधानी म राहुल गांधी स्वास्थ्य ले जुड़े कार्यक्रम म लोगन के सवाल मन के जवाब देवत रहिन हे.ए दउरान स्वास्थ्य विभाग म स्टेट हेल्थ रिसर्च सेंटर मितानिन प्रोग्राम के एरिया कॉर्डिनेटर मनीषा चंद्राकर के सवाल ह न सिरिफ उमन ल छका दिस बल्कि स्वास्थ्य मंत्री टीएस सिंहदेव ल घलो दो बेर मंच म खड़े हो के जवाब देना पड़िस.

मनीषा चंद्राकर ह राहुल गांधी ले सवाल करिन के “आपन ये कहे हव के आशा वर्कर ल सैलरी के तउर म नहीं रखे जा सकय. मितानिन ले ऊपर अउ भई पोस्ट हवय जे मुआवजा म काम करत हवय.ये मन ल कब सैलरी म रखे जाही. मनीषा ह कहिन, बजट म कहे गे हे के, उमन ल घलो सैलरी मिलही. लेकिन अइसन कब हो ही.. कई बछर ले सिरिफ आश्वासन ही मिलत हवय.

राहुल ह सिंहदेव ल दिस माइक
मनीषा के ये सवाल सुनत ही राहुल गांधी ह जवाब दे बर माइक स्वास्थ्य मंत्री टीएस सिंहदेव ल दे दिस. जखर जवाब म सिंहदेव ह कहिन, धियान रखे जाही. बाबा के ये बयान म राहुल ह चुटकी लीस अउर कहिन, पॉलीटिकल जवाब दे दिस.

मनीषा ह कहिन- हर बेर अइसने हो थे
ओखर बाद मनीषा चंद्राकर ह कहा, हर बेर अइसने होथे. 6 साल से इही सुनत आवत हन. जे मा टीएस सिंहदेव ह कहिन, ए मामला म शासन ह विचार करही. अउ एक कांसेप्ट तियार करही. टीएस सिंहदेव ह कहिन, मेनिफेस्टो म घलो एखर जिकर करे गे हे. आप हमार घोसना पत्र ल देख हूं, त ओ मा हमन सबो बात मन ल लिखे हन.

जवाब के बाद प्रोग्राम म मनीषा चंद्राकर ह कहिन के, कॉम्पन्सेशन नई बल्कि सैलरी म रखे के बात कहे रहे हव., जेखर बाद राहुल गांधी ह कहिन, सिंहदेव ह बोले हे , उमन स्टेप बाय स्टेप करही.