Home Uncategorized सीएम भूपेश के खेलाफ जे नेता ह लड़िस पहिली चुनाव वोह करिस...

सीएम भूपेश के खेलाफ जे नेता ह लड़िस पहिली चुनाव वोह करिस कांग्रेस प्रवेश

205
0
Dilip Kaushik did Congress entry

राहुल गांधी ने उसे कराया कांग्रेस प्रवेश…महासमुंद से हैं लोकसभा के दावेदार
रायपुर. राजधानी रायपुर एयरपोर्ट म आज वो घड़ी आइस हे, जेखर इंतजार अब्बड़ दिन ले करेजात रहिस हे. राहुल गांधी ह शुक्रवार के भूपेश बघेल के खेलाफ चुनाव लड़इया नेता ल कांग्रेस प्रवेश कराइस हे.

बात होवत हे, पूर्व केन्द्रीय मंत्री स्व.पुरुषोत्तम लाल कौशिक के बेटा दिलीप कौशिक के. जेमन राहुल गांधी के आघू कांग्रेस के दामन थाम लिस. रायपुर एयरपोर्ट म राष्ट्रीय अध्यक्ष राहुल गांधी ह दिलीप कौशिक ल कांग्रेस प्रवेश कराइस. भूपेश सरकार बने के बाद ले दिलीप कौशिक की राजनीतिक सक्रियता बढ़ गे रहिस हे. अउ उंखर कांग्रेस म शामिल होए के चर्चा होवत रहिस हे.

खास बात ए हे के जब भूपेश बघेल सन् 1993 अपन पहिली विधानसभा चुनाव लड़िस, तब उंखर खेलाफ देश के प्रख्यात समाजवादी नेता पुरुषोत्तम कौशिक के सुपुत्र दिलीप कौशिक चुनाव लड़े रहिस हे. लेकिन बघेल ले चुनाव हार गे रहिन हे. ओखर बाद परिवारवाद के आरोप के चलत सक्रिय राजनीति ले दिलीप कौशिक अलग हो गिस.

अब अपन पिता पूर्व केन्द्रीय मंत्री पुरूषोत्तमलाल कौशिक के निधन के बाद क्षेत्रवासी मन के पहल म एक बेर फेर दिलीप कौशिक सक्रिय राजनीति म आ गिन. देखना हे के 26 साल बाद बदले हुए परिस्थिति म दिलीप कौशिक के नवा राजनीतिक सफर कइसा रहही. वइसे उमन महासमुंद लोकसभा सीट ले मजबूत दावेदार बताय जात हे. मतलब उमन कांग्रेस के टिकट म चुनाव घलो लड़ सकत हे.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.