Raipur : सांसद राहुल गांधी ह काली करही राजीव गांधी ग्रामीण कृषि मजदूर न्याय योजना के सुभारंभ, पढ़व

जय जोहार…. (Raipur ) सांसद राहुल गांधी ह 3 फरवरी के छत्तीसगढ़ राज्य म गरीब भूमिहीन परिवार मन ल सीधा आर्थिक मदद पहुंचाय के छत्तीसगढ़ सरकार के नवा अभिनव योजना के सुभारंभ करही । भारत रत्न पूर्व प्रधानमंत्री स्वर्गीय राजीव गांधी के नाव ले सुरु होवत ये महत्वपूर्ण योजना ह राजीव गांधी ग्रामीण कृषि मजदूर न्याय योजना के नाव ले जाने जाही ।

ए योजना के तहत ग्रामीण क्षेत्र केे कृषि भूमिहीन मजदूर परिवार मन ल छत्तीसगढ़ सरकार डहार ले हरेक बच्छर 6 हजार रुपिया के आर्थिक मदद दे जाही। (Raipur) सांसद राहुल गांधी ह 3 फरवरी के रईपुर के साईंस कॉलेेज मैदान म आयोजित होवइया एक ठीन भव्य कारीकरम म भूमिहीन परिवार मन ल ये योजना के पहला क़िस्त के रासि ल सीधा ओखर खाता म ट्रांसफर करही।

(Raipur) छत्तीसगढ़ देस के पहला राज्य हे, जेहा भूमिहीन कृषि मजदूर मन बर अइसे योजना ल लागू करे हे । छत्तीसगढ़ सरकार ह ये योजना बर बच्छर 2021-22 के बजट म 200 करोड़ रुपिया के प्रावधान करे हे ।