राष्ट्रपति कोविंद दंतेवाड़ा के हीरानार बर रवाना

जगदलपुर- दंतेवाड़ा। राष्ट्रपति रामनाथ कोविंद बस्तर दुउरा म हे। जावंगा म मुख्यमंत्री रमन सिंह, स्कूल सिक्था मंत्री अउ प्रभारी केदार कश्यप ह उमन के स्वागत करिन। राष्ट्रपति के संग उंखर  पत्नी घलो मवजूद हे। इहां ले राष्ट्रपति हीरानार बर रवाना हो गे। जिहा राष्ट्रपति कोविंद ह ई रिक्शा म परिसर ल घूमही। ये दउरान राष्ट्रपति के पत्नी अउ सीएम रमन सिंह उंखर संग रहही। इहां ले राष्ट्रपति वनांचल सेवा संस्थान जाही, जिहां उमन इहां पढ़इया  छात्र मन ले मुलाकात करही। इंखर पहिली  राष्ट्रपति रामनाथ कोविंद दो दिवसीय प्रवास म जगदलपुर पहुंचिस। जगदलपुर एयरपोर्ट म सीएम रमन सिंह, जिले के प्रभारी मंत्री प्रेम प्रकाश पाण्डेय, वन मंत्री महेश गागड़ा, बस्तर सांसद दिनेश कश्यप ह उंखर स्वागत करिन। राष्ट्रपति ल मउसम खराब होय के चलते वीआईपी लॉन्ज म करीबन 15मिनट इंतजार करना पड़िस। जेखर बाद इहां ले उमन सेना के हेलीकाप्टर ले दंतेवाड़ा जिले के जावंगा चले गिन। ये बेरा म जगदलपुर विधायक संतोष बाफना, युवा आयोग के अध्यक्ष कमलचंद भंजदेव, वन विकास निगम के अध्यक्ष श्रीनिवास राव मद्दी, जगदलपुर महापौर जतिन जायसवाल, जिला पंचायत अध्यक्ष जबिता मंडावी, मुख्य सचिव अजय सिंह, कमिश्नर दिलीप वासनीकर, कलेक्टर धंनजय देवांगन, पुलिस अधीक्षक डी श्रवण समेत जनप्रतिनिधिगनअउ वरिष्ठ अधिकारीगन उपस्थित रहिन।

मउसम ह रोकिस रद्दा

मउसम खराब होय ले राष्ट्रपति ल वीआईपी लॉन्ज म ठहराय गिसया । उंखर  संग सीएम रमन सिंह  अउ बीजेपी के वरिष्ठ नेता घलो मवजूद रहिन हे। आपक मन ल बता दन के रामनाथ कोविंद दू दिन के बस्तर दउरा म हे।

तीखुर के कतरा, रागी के लड्डू के नास्ता

आप मन ल  बता दन  समन्वित कृषि प्रणाली मॉडल के अवलोकन के दउरान देस के प्रथम नागरिक दंपत्ति ह आदिवासी युवती चंपा के ई रिक्सा के सवारी  घलो करही। उहें सीएम डॉ. रमन सिंह सविता के ई-रिक्सा म सवार होही। मॉडल के अवलोकन के  बेराम उमन ल  तीखुर के कतरा, रागी के लड्‌डू अउ नारियल पानी पिलाय जाही। राष्ट्रपति ल ये स्वल्पाहार संगीता अउ वसंती कराही। येखर बाद आस्था विद्यामंदिर म स्मारट क्लास के लइका मन ले राष्ट्रपति घलो चरता करही।

छात्रा संध्या  दिही राष्ट्रपति ल जानकारी

छात्रा संध्या ल राष्ट्रपति के आघू बोले  के लिए 3 मिनट के समय देय गेहे। आस्था विद्या मंदिर म लइका मन अपन मन म उपजे सवाल घलो पूछही।