Chhattisgarh: निजी अस्पताल म कोरोना मरीज मन के उपचार बर दर हो गे तय, पढो पूरा खबर

जय जोहार…. राज्य (Chhattisgarh) सरकार ह निजी अस्पताल म कोविड-19 मरीज मन के इलाज बर दर तय कर दे हे। निजी अस्पताल म उपलब्ध सुपरस्पेशियालिटी सविधा के आधार म तीन श्रेणी म बांटे गे हे।

ए श्रेणी म रायपुर, दुर्ग, राजनांदगांव, बिलासपुर, कोरबा अऊ रायगढ़ जिला के अस्पताल ल रखे गे हे। बी श्रेणी म सरगुजा, महासमुंद, धमतरी, कांकेर, जांजगीर-चांपा, बलौदाबाजार-भाटापारा कबीरधाम अऊ बस्तर जिला के अस्पताल ल रखे गे हे।

(Chhattisgarh) शेष जिला के अस्पताल ह सी श्रेणी म शामिल हे। निजी अस्पताल म कोविड 19 के इलाज म होवइया व्यय मरीज ल स्वयं वहन करे ल होही।
ए श्रेणी वाल जिला के एनएबीएच मान्य प्राप्त निजी अस्पताल म मॉडरेट स्थिति वाला मरीज मन के इलाज बर रोज के 6200 रूपिया के शुल्क तय करे गे हे। एमा सर्पोटिव केयर आइसोलेशन बेड के संग आक्सीजन अउ पीपीई किट के सुविधा ल उपलब्ध कराय जाही।

(Chhattisgarh) गंभीर स्थिति वाला मरीज मन के उपचार बर रोज के 12 हजार रूपिया के शुल्क तय करे गे हे। एमा वेंटिलेटर केयर के बिना आईसीयू अऊ पीपीई किट शामिल हे। अति गंभीर मरीज मन के इलाज बर 17 हजार रूपिया रोज के दर निर्धारित करे गे हे।

बी श्रेणी म शामिल जिला के सुपर स्पेशियालिटी सुविधा वाला अस्पताल ह माडरेट, गंभीर अऊ अति गंभीर के मरीज मन के इलाज बर ए श्रेणी बर निर्धारित दर के 80 प्रतिशत अऊ सी श्रेणी वाला जिला के अस्पताल ह 60 प्रतिशत शुल्क ले सकही।