जय जोहार। (Raipur) सार्वजनिक वितरण प्रणाली (पीडीएस) के अंतर्गत पात्र रासन कार्डधारी ल अप्रैल अउ मई महीना के रासन ल एक संग प्रदान करे जाही । खाद्य, नागरिक आपूर्ति अउ उपभोक्ता संरक्षण विभाग डहार ले प्रदेस के सबो कलेक्टर ल पत्र जारी कर दे गेहे । पत्र म कहे गेहे कि खरीफ विपणन बछर 2022-23 म कस्टम मिलिंग के बाद चावल उपार्जन बर गोदाम म पर्याप्त स्थान के उपलब्धता ल सुनिश्चित करे बर राज्य सासन डहार ले पीडीएस अउ सार्वभौम पीडीएस के तहत प्रचलित सबो रासन कार्ड धारी ल अप्रैल और मई महीना के चावल एक संग वितरण करे के निर्णय ले गेहे ।
खाद्य विभाग डहार ले जारी पत्र म केहे गेहे कि रासन कार्डधारी ल माह अप्रैल और मई के रासन वितरण करे जाए बर खाद्यान्न के भंडारण उचित मूल्य दुकान म बेरा म करे जाए अउ अन्न वितरण पोर्टल म ए संबंध म माहवार वितरण दर्साय बर आवश्यक व्यवस्था करे जाए।
पत्र म ये घलो केहे गेहे कि दू महीना के चावल वितरण संबंधी सूचना ल रासन कार्डधारी ल मुनादी अउ उचित मूल्य के दुकान म पोस्टर अउ बैनर प्रदर्सित कर करे जाए। चावल ल छोड़के शेष रासन सामग्री जइसे नमक, शक्कर, कैरोसीन अउ चना आदि माहवार पात्रतानुसार वितरण करे ल केहे गेहे ।
Other Articles
No Comment! Be the first one.