ठेकेदार सुरेश चन्द्राकर के पंजीयन तत्काल प्रभाव ले निलंबित, जम्मों काम ल लोक निर्माण विभाग करिन निरस्त
रायपुर। लोक निर्माण विभाग ह बीजापुर के ठेकेदार सुरेश चन्द्राकर के पंजीयन तत्काल प्रभाव ले निलंबित करत, ओला देय गे जम्मों कार्य निरस्त कर दे हे। बस्तर परिक्षेत्र जगदलपुर के विभागीय मुख्य अभियंता के अनुशंसा म प्रमुख अभियंता कार्यालय ह सुरेश चंद्राकर के पंजीयन निलंबित करे गिस हे। मुख्य अभियंता ह लोक निर्माण विभाग म पंजीकृत सुरेश चंद्राकर “अ” वर्ग ठेकेदार, बीजापुर के पत्रकार मुकेश चंद्राकर हत्याकांड के मुख्य आरोपी के रूप म समाचार पत्र म प्रकाशित करे जाए अउ गिरफ्तार करे जाए के कारण ओखर पंजीयन ल निलंबित करे जाए के अनुशंसा करे गिस।
मुख्य अभियंता के अनुशंसा ल दृष्टिगत रखत विभाग ह सुरेश चंद्राकर के पंजीयन तत्काल प्रभाव ले निलंबित कर दिस हे। उहें सुरेश चंद्राकर ल देय गे सड़क निर्माण के कार्य ल लंबा समय तक बंद पाए जाए अउ कार्य के धीमी गति के कारण ओला देय गे जम्मों कार्य ल निरस्त कर देय गिस हे।
