दर्शक मन के मांग एक घांव फेर रिलीज होईस “प्रेम के बंधना“

दीपक बावनकर@जय जोहार. निर्माता अशोक सिंह ठाकुर अऊ निर्देशक शिव नरेश केसरवानी निर्मित छत्तीसगढ़ी फिलिम प्रेम के बंधना एक घांव फेर दर्शक मन के बीच अपन जलवा बिखेरे बर आए हे। बता देन कि ऐ अईसे पहिली फिलिम हरे जेखर शूटिंग विदेश म होए हे।

प्रेम के बंधना 6 जुलाई 2018 के सिनेमाघर म प्रदर्शित होए रिहीस जेला दर्शक मन के बड़ प्यार मिलिस। तब फिलिम ह अपन 50 दिन चले रिहिस। दर्शक मन के मांग म एला एक घांव फेर 12 अप्रैल के  रि-रिलीज करे गे हे। रायपुर के प्रभात अऊ रायगढ़ के रामनिवास सिनेमाघर म फिलिम ल लगाए गे हे। फिलिम के निर्देशक हाल म दूसर फिलिम के तियारी म लगे हे। फेर ऐ मांग ल देखत फिलिम ल दू सिनेमाघर म रिलीज करे गिस। अनुज शर्मा, लवली अहमद अभिनीत प्रेम के बंधना मा सुंदर सिनेमैटोग्राफी अउ खूबसूरत गीत संगीत के समावेश है। जेखर कारण एला दुबारा प्रदर्शित करे गे हे।