एक गलत टर्न अउ कार सोझे गिरिस खाई म…..तीन के मउत

रायपुर। रायपुर के अटल नगर म सड़क हादसा थमे के नाम नइ लेवत हे।  बीते रात  म एक तेज रफ्तार के कार सड़क खत्म होय ले खाई म गिर गिस, जेमा 3 लोगन के मउका म मउत हो गिस अउ एक गंभीर रूप ले घायल हो गिस।

बताय जात हे के, आधी रात के सेंध तालाब के आघू एक आई-10 कार क्रमांक जीजे 10-केएफ-2221 तेज रफ्तार ले  आइस अउर राईट साइड क्रिकेट स्टेडियम के तरफ न मुड़के लेफ्ट साइड मुड़ गिस, अउ सड़क खत्म होय म  नीचे खाई म जा गिरिस।

पुलिस ले मिले जानकारी म चारों युवक नवां रायपुर के एक होटल म काम करइया बताय जात हे। मरइया म गाड़ी चालक युवक मनाल कोसरिया 24 साल रायपुर के मोवा के रहइया हे, दूसरा युवक के पहचान झारखंड के जमशेदपुर निवासी रवि तिवारी 25 साल के रूप म होइस हे। तीसर मृतक उमेर आलम 25 साल झारखंड के रहइया  हे, उहें गंभीर रूप ले घायल  सौरभ साहू 22 साल कलकत्ता के रहइया  बताया जात हे। जेला एक निजी अस्पताल म भरती कराया गेहे।