chhattisgarh : चार ठीन सिंचाई योजना बर मिले हे 10.99 करोड़ रुपिया के स्वीकृति
जय जोहार । छत्तीसगढ़ (chhattisgarh ) सासन ह प्रदेस के चार ठीन सिंचाई परियोजना के काम ल कराय बर 10 करोड़ 99 लाख 88 हजार रुपिया स्वीकृत करे हे । ए योजना के पूरा होय ले 1152 हेक्टेयर क्षेत्र म सिंचाई सुविधा मिल सकही ।
मुंगेली जिला के मनियारी जलासय योजना के डी-3 शाखा नहर रतियापारा माईनर नहर के अंतिम छोर तक सी.सी लाईनिंग काम अउ पुरान पक्का काम के पुनरोद्धार अउ नवा पक्का काम के निर्माण काम बर पांच करोड़ 41 लाख 86 हजार रुपिया स्वीकृत करे गेहे । ए योजना के पूरा होय ले 991 हेक्टेयर क्षेत्र म सिंचाई सुविधा मिल सकही। विकासखण्ड-मुंगेली के टेसुवानाला म ग्राम संबलपुर के तीर एनीकट निर्माण काम बर दो करोड़ 37 लाख 05 हजार रुपिया स्वीकृत करे गेहे। ए योजना के पूरा होय ले 100 हेक्टेयर क्षेत्र म सिंचाई सुविधा मिल सकही।
रायगढ़ जिला के विकासखण्ड-बरमकेला के लाडूखाई जलासय के जीर्णोद्धार काम बर एक करोड़ 41 लाख 58 हजार रुपिया स्वीकृत करे गेहे। ए योजना के पूरा होय ले 61 हेक्टेयर क्षेत्र म सिंचाई सुविधा मिल सकही। विकासखण्ड-रायगढ़ के केलो बांध के गेट के पेंटिंग अउ बांध के गेट के रबर सील बदले ले संबंधित काम बर एक करोड़ 79 लाख 39 हजार रुपिया स्वीकृत करे गेहे।
