स्कूल शिक्षा मंत्री ह दसवीं अऊ बारहवीं म पहला स्थान प्राप्त करइया प्रज्ञा अऊ टीकेश ल करिन सम्मानित

जय जोहार…. स्कूल शिक्षा मंत्री डॉ. प्रेमसाय सिंह टेकाम ह गुरुवार के बोर्ड परीक्षा म कक्षा दसवीं अऊ बारहवीं म प्रथम स्थान प्राप्त करइया छात्रा प्रज्ञा कश्यप अऊ टीकेश वैष्णव ले मुलाकात करिन। ए दौरान स्कूल शिक्षा मंत्री ह दुनो विद्यार्थी के सम्मान करिन। संगेसंग स्काउट्स अऊ गाइड के ओर ले 5-5 हजार रूपिया के चेक अऊ स्मृति चिन्ह घलो प्रदान करे हे। ए अवसर म विधायक अऊ भारत स्काउट्स गाइड्स छत्तीसगढ़ के मुख्य आयुक्त विनोद सेवनलाल चंद्राकर घलो उपस्थित रिहिस।
बता देन कि दुनो मेधावी विद्यार्थी ह भारत स्काउट्स अऊ गाइड्स के छात्र-छात्रा हे। कक्षा दसवीं के परीक्षा म मुंगेली जिला के ग्राम जरहागांव के शासकीय विद्यालय के प्रज्ञा कश्यप ह राज्य पुरस्कार ले पुरस्कृत गाइड हे। अइसने कक्षा बारहवीं बोर्ड परीक्षा के टापर टीकेश वैष्णव ह सरस्वती स्कूल मुंगेली घलो राज्य पुरस्कार ले प्राप्त स्काउट हे।