corona काल म लाउडस्पीकर ले होही स्कूल के पढ़ई, पढो पूरा खबर

जय जोहार…. छत्तीसगढ़ म कोरोना (corona) संक्रमण ल देखत हुये अब लाउड स्पीकर ले स्कूल म पढ़ई कराय जाही।

स्कूल शिक्षा मंत्री डॉ प्रेमसाय सिंह टेकाम ह सबो जिला के प्रत्येक पंचायत म कम ले कम एक स्कूल म ए योजना ल उपलब्ध संसाधान ले अवइया एक सप्ताह के भीतर सुरू करे के निर्देश दे हे।

मंत्री टेकाम ह इतवार के अपन निवास कार्यालय ले वीडियो कांफ्रेंसिंग ले बस्तर जिला म ए योजना के क्रियान्वयन ले जुड़े अधिकारी मन ले विस्तार ले चर्चा करत रिहिस।
मंत्री टेकाम ह कहिन कि बस्तर जिला म लाउडस्पीकर ले 56 पंचायत म पढ़ई ह सुरू हो चुके हे।

छ्त्तीसगढ़ म (corona) कोविड 19 के दौरान लईका मन के पढ़ई ल जारी रखे बर ये माडल बनही। ये आनलाइन पढ़ई के वैकल्पिक व्यवस्था हे।
ए माडल म पंचायत के तरफ ले लईका मन के पढ़ई बर ग्राम म उपलब्ध या डीजे वाला ले सहयोग ले के लाउडस्पीकर ल उपलब्ध कराय जावत हे।

लाउडस्पीकर ले शिक्षक ह लईका ल पढ़ाना सुरू करत हे। लईका मन ह अपन घर या समूह म बइठके धियान ले पाठ ल सुनत हे। ये कक्षा ह रोजाना राज्यगीत के संग प्रारंभ होवत हे।