chhattisgarh: गोरखपुर अऊ मुम्बई में शूट होय ये फ़िल्म के चयन होगे इंटरनेशनल फ़िल्म फेस्टिवल बर, अंचल के कलाकार धर्मेन्द्र हे मुख्य भूमिका म

जय जोहार…. छत्तीसगढ़ (chhattisgarh) म बने हिंदी फिलिम द रेलुकटेंट क्राइम के चयन ह अनटाक्या इन्टरनेशनल फिलिम फेस्टिवल अऊ एशियन फिलिम पेस्टिवल लॉस एन्जिलस म होय हे। ये फिलिम के कहानी ह बंजारा जनजाति के लोगन मन म आधारित हे,

(chhattisgarh) जेन अपन देश म अपन संवैधानिक अधिकार ले वंचित हे। ना त ओखर घर हे अऊ न ओखर कोनो पहचान। अपन मूलभूत अधिकार ल पाय के संघ म ओ हा अपराध के रास्ता म चले जावत हे। ए समस्या ल फिलिम म दिखाए गे हे।

ए फिलिम के सबो शूटिंग ह गोरखपुर म होय हे अऊ कुछु हिस्सा मुंबई म फिल्माए गे हे। ए फिलिम के लेखक-निर्देशक अरविंद प्रताप अऊ निर्माता अवनिश कोटवाल हे। फिलिम म मुख्य कलाकार धर्मेंद्र अहिरवार, अवनिश कोटवाल, राखी मनशा, आशीष नेगी, मंजु पांडेय अऊ राकेश जैसवाल हे। कैमरामैन सुनील दलवी, टेक्निकल टीम अभिषेक, सतीश, सह निर्देशक विवेक, सचिन, सुशील, प्रोडक्शन मैनेजर महेंद्र प्रताप हे।

ए फिलिम म भूमिका ल निभाय वाला धर्मेंद्र अहिरवार ह (chhattisgarh) भिलाई के हे, जेन टीवी सीरियल क्राइम पेट्रोल समेत छ्त्तीसगढ़ी फिलिम प्रेमसुमन, बंधन प्रीत के लव दीवाना म काम कर चुके हे। उहचे साल 2019 म बंधन प्रीत बर स्मार्ट सिनेमा के तरफ ले बेस्ट निगेटिव रोल के पुरस्कार घलो प्राप्त करे हे।