corona: छत्तीसगढ़ म फेर मिलिस कोरोना के 7 नवा मरीज

जय जोहार…. छत्तीसगढ़ म सनिच्चर के सुरक्षा बल के 7 जवान ह कोरोना (corona) पाजिटिव पाय गे हे। सात जेन जवान मन के रिपोर्ट ह कोरोना पाजिटिव मिले हे, ओमा चार जवान ह आईटीबीपी के हे, जेन ह नारायणपुर जिला म तैनात हे। ऊहचे तीन जवान ह सीआरपीएफ के हे, जेन सुकमा जिला म तैनात हे।
जानकारी के मुताबिक आईटीबीटी के जवान ह छुट्टी ले लहुटे रहिस। ओ मन ल क्वारेंटाइन सेंटर म रखे गे रहिस। ओखर सैम्पल ल मेडिकल कालेज म जांच बर भेजे गे रहिस। आज जांच रिपोर्ट ह कोरोना (corona) पाजिटिव आय हे। संक्रमित सब्बो जवान मन ल आइसोलेट कर दे गे हे।
ऊहचे सीआरपीएफ के तीन जवान ह कोरोना (corona) संक्रमित मिले हे। तीनों जवान ह दूसर राज्य ले लहुटे रहिस अऊ क्वारेंटाइन सेंटर म ठहरे रहिस। तीनों जवान के रिपोर्ट ह पाजिटिव आय हे।