नीतू कमल के स्थान पर आरिफ होही रायपुर के नवां एसपी..

रायपुर: छत्तीसगढ़ शासन ह एक बार फेर प्रशासनिक सर्जरी करे हे. सामान्य प्रशासन विभाग ह भारतीय पुलिस सेवा के कतको अधिकारी मन के तबादला करिस हे. ए संबंध म आदेश जारी कर दे गे हे.

आदेश मत राजधानी रायपुर के एसपी नीथू कमल अब बलौदा बाजार-भाटापारा के नवां एसपी होंही. उंखर स्थान म शेख आरिफ हुसैन ल रायपुर के नवां एसपी बनाए गेहे.

बता दन के,  एक माह पहिली ही नीथू कमल राजधानी के एसपी बनाए गे रहिस हे. चर्चा हे के उंखर कमान संभाले के बाद होए अपराधिक घटना मन तबादला के मुख्य वजह हो सकत हे.

उहें जांजगीर-चाम्पा के एसपी आरएन दास ल पीएचक्यू म भेज के सहायक पुलिस महानिरीक्षक बनाए गेहे  उंखर जगा म पारुल माथुर जांजगीर-चाम्पा के एसपी बनाए गेहे. लौदाबाजार- भाटापारा के एसपी प्रशांत अग्रवाल घलो पीएचक्यू म सहायक पुलिस महानिरीक्षक नियुक्त करे गेहे .

बीजापुर के एसपी मोहित गर्ग नारायणपुर के नवां एसपी बनाए गेहे.  2री वाहिनी के उपसेनानी चंद्रमोहन सिंह ल अमलेश्वर दुर्ग म 3री वाहिनी म पदस्थ करे गिस. रायगढ़ के एएसपी सिद्धार्थ तिवारी ल सुकमा के एडिशनल एसपी बनाए गेहे. उहें रायपुर के सीएसपी सूरज सिंह ल एडिशनल एसपी दंतेवाड़ा अउ गोवर्धनराम ठाकुर ल  बीजापुर के एसपी नियुक्त करे गिस.