प्रधानमंत्री आवास योजना ले शिवप्रसाद भट्ट ल मिलिस सपना के घर, सीएम अउ डिप्टी सीएम के जतायिन आभार

गौरेला पेंड्रा मरवाही। महल हो या झोपड़ी, अपन घर अपन होथे, हर व्यक्ति के एक सपना होथे कि छांव बर उसका एकठन खुद के घर हो। इही सपना ल सरकार ह साकार करत हे। समाज के आर्थिक रूप ले कमजोर तबका के भलाई बर सरकार ह प्रधानमंत्री आवास योजना संचालित करत हे। ए योजना ले जरूरत मंद लोगन मन के आवास घलो स्वीकृत करे जात हे, प्रदेश के मुख्यमंत्री विष्णु देव साय के नेतृत्व वाला सरकार ह प्रदेश के हर तबके के जरूरतमंद परिवार मन ल आवास देय के सपना पूरा करत हे। अइसने ही सपना पूरा होवत हे गौरेला के रवान पारा वार्ड 11 के निवासी शिवप्रसाद भट्ट के परिवार के।    

     शिवप्रसाद पेशा ले मजदूरी करके जीवन यापन करत हें। उखर पत्नी अउ एक बेटा अउ एक बेटी हे। उखर पालन पोषण के जिम्मेदारी घलो उखर सर म हे, अइसे म उखर बर एक मकान बना पाना बड़ कठिन रहिन। चाह कर घलो ओ अपन मकान नई बना पात रहिस। जब ओ मन प्रधानमंत्री आवास योजना के बारे म पता चलिस त उकर जीवन म स्वयं के मकान बनाए के सपना ल एक नवा उम्मीद मिलिस। ओ तत्काल ए योजना के बारे म जानकारी लेके आवास बर नगर पालिका गौरेला म आवेदन फॉर्म भरके जमा करिन अउ ओमन ल आवास बर  स्वीकृति घलो मिलगे। शिवप्रसाद बताथे कि पक्का घर मिले के बाद ओमन ल कच्चा घर म होवइया असुविधा ले अब मुक्ति मिलगे हे। पहली हमर घर मिट्टी के रहिन जेमा पानी बरसात म घलो कई प्रकार के समस्या अउ असुविधा होत रहिन। 

       प्रदेश के मुख्यमंत्री विष्णु देव साय अउ उप मुख्यमंत्री अरुण साव ल प्रधानमंत्री आवास योजना बर धन्यवाद देवत शिवप्रसाद कहिन कि ए योजना बहुत अच्छा हे। ए गरीब मन के जिनगी बदलइया योजना हे। ओमन ह बतायिन कि योजना के तहत ओमन ल 2 लाख 30 हजार रुपया के राशि मिलिस। एखर अलावा शासन के जनकल्याणकारी योजना के घलो लाभ मिलत हे, एखर अलावा उज्ज्वला योजना के तहत गैस सिलेंडर घलो प्राप्त होइस, स्वच्छ भारत मिशन के तहत शौचालय अउ वहें महतारी वंदन योजना के तहत प्रतिमाह उखर पत्नी ल 1 हजार रुपए प्राप्त होवत हे। एखर ले पूरा परिवार शासन के इन योजना के लाभ लेत हें। अब ओ अपन परिवार के संग सुरक्षित अउ सुखमय जीवन व्यतीत करत हें।