भिलाई के सोनल ह बनिस मिसेज इंडिया इंटरनेशनल , मिसेज छत्तीसगढ़ घलो बने रिहिस सोनल

दीपक बावनकर@रायपुर तीस प्रतियोगी मन के बीच कलकत्ता म मिसेज इंडिया इंटरनेशनल के खिताब भिलाई के सोनल ह जीत के अपन शहर अऊ राज्य के नाम ल रोशन कर दिस ,सोनल ह अब इंटर नेशनल प्रतियोगिता के तैय्यारी करत हे ,ये मुकाम तक पहुंचे म सोनल के सहयोग ओखर परिवार वाला मन करिस ,सोनल ह अभी पीएचडी करत हे

सोनल के मानना हे कि घर के कामकाज के बीच भी आप कुछ अलग कर सकथो बस मन में इक्छाशक्ति होना चाहिए ,सोनल ह 2017 म भिलाई म आयोजित एक प्रतियोगिता म मिसेज छत्तीसगढ़ के ख़िताब जीते रिहिस अऊ 2018 म मुंबई म मिसेज इंडिया आइकॉन म टॉप तेन म जगह बनाय रिहिस ,बता दन कि मिसेज इंडिया 2019 के खिताब सोनल ल कलकत्ता म मिले हे अऊ एखर आयोजन टाइम्स ग्लोबस द्वारा करे गे रिहिस.