chhattisgarh प्रभारी पीएल पुनिया ह आज आही 3 दिन के बस्तर दउरा म, जगदलपुर म कांग्रेस कार्यकर्ता मन के लेही बइठक

जय जोहार । (chhattisgarh ) विधानसभा चुनाव के तीर आत ही नेता मन के छत्तीसगढ़ आय के सिलसिला सुरु हो गेहे । एखर संग ही बइठक के दउर घलो सुरु हो चुके हे । ए कड़ी म कांग्रेस के प्रदेस प्रभारी पीएल पुनिया ह शुक्रवार के संझा बस्तर पहुंचही । पुनिया ह इंहा 3 दिन तक रुकही ।

बतावत जात हे कि (chhattisgarh ) पीएल पुनिया पहले हवाई मार्ग ले रायपुर ले जगदलपुर अवइया रिहीन। लेकिन कोनो सेती ले आज सड़क मार्ग ले जगदलपुर पहुंचही । संझा करीबन साढ़े 4 बजे पुनिया ह जगदलपुर के कांग्रेस भवन म कार्यकर्ता मन के बइठक लेही । एमा अवइया चुनाव के रणनीति बनाही । संगेसंग पार्टी म का -का होए हे एखर समीक्षा करही । पुनिया ह जगदलपुर सर्किट हाउस म रात रुकही ।

निर्धारित कार्यक्रम के तहत पीएल पुनिया ह (chhattisgarh ) जगदलपुर म 4 अउ दंतेवाड़ा म 2 बइठक लेही । 29 अक्टूबर के दंतेवाड़ा म रात्रि विश्राम के बाद 30 अक्टूबर के दंतेवाड़ा ले जगदलपुर जाही । उंहा फेर पार्टी के वरिष्ठ कार्यकर्ता मन के बइठक लेही । एखर बाद राजधानी रायपुर बर रवाना होही ।