chhattisgarh म आज ले प्रदेसव्यापी रोका-छेका अभियान होही सुरु

जय जोहार। (chhattisgarh) खरीफ फसल के सुरक्षा बर ए बछर घलो 10 जुलाई ले प्रदेसव्यापी रोका-छेका के अभियान ल सुरु करे जात हे। ए दउरान फसल ल चराई ले बचाय बर पसु ल नियमित रूप ले गौठान म लाय बर रोका-छेका अभियान के अंतर्गत मुनादी कराय जाही। गौठान म पसु चिकित्सा सिविर लगाके ओखर स्वास्थ्य के जांच, पसु नस्ल सुधार बर बधियाकरण, कृत्रिम गर्भधान अउ टीकाकरण करे जाही।

मुख्यमंत्री भूपेश बघेल ह किहीन कि रोका-छेका हमर मन के पुराना पंरपरा है। राज्य म बीते बछर म घलो ये अभियान चलाय गे रिहीन। जेखर परिणाम बड़का ही उत्साहजनक रिहीन । एला धियान म रखत राज्य म चालू खरीफ सीजन के दउरान 10 जुलाई से 20 जुलाई तक ये अभियान ल चलाय जात हे। वो हा एखर सफलता बर सबो किसान अउ पसुपालक मन ले सहयोग के अपील करे हे ।

मुख्यमंत्री ह किहीन कि हमन सबो जानत हन कि फसल के बुवाई के बाद किसान मन के सबले बड़का चिन्ता फसल के देखभाल अउ ओखर सुरक्षा के होत हे। फसल के सुरक्षा बर रोका-छेका के अभियान महत्वपूर्ण साबित होत हे , एखर ले हमर मन के फसल अउ पसुधन दूनों सुरक्षित रही ।