लइका मड़ई…. कबाड़ ले जुगाड़ कर कलाकृतियां बनाइस विद्यार्थी मन ह

रायपुर। राजधानी रायपुर के बूढ़ातालाब स्थित इंडोर स्टेडियम म लइका मड़ई के आयोजन आज ले सुरू होइस हे।  31 जनवरी तक चलइया ए कार्यक्रम के मुख्य अतिथि स्कूल सिक्षा मंत्री प्रेमसाय सिंह टेकाम रहिन।

कार्यक्रम  म अन्य नेता मन म राज्यसभा सदस्य छाया वर्मा, विधायक सत्यनारायण शर्मा, रायपुर महापौर प्रमोद दुबे, जिला पंचायत अध्यक्ष शारदा देवी वर्मा घलो मवजूद रहींन। उहें स्कूल म नवाचार ले विद्यार्थी मन ल खेल खेल म गणित विज्ञान अउ कबाड़ ले जुगाड़ कर कलाकृतियां बनाय बर सिखाए जाथे। मडई म भाग लेवइया प्रतिभागी मन ह सिक्षक मन  के मदद ले जुगाड़ के समान बनाइन।  ए तरह ले कबाड़ ले जुगाड़ समेत कई नवाचार निर्मित करे गिस।  जेखर प्रदर्शनी लगाए गेहे।