छत्तीसगढ़ म होही छात्रसंघ के चुनाव ……… एनएसयूआई के कार्यक्रम म ऐलान करिन  भूपेश ह

रायपुर। मुख्यमंत्री भूपेश बघेल आज छात्र यूनियन एनएसयूआई के कार्यक्रम म बड़ा ऐलान करिस हे।  उमन ह कहिने राजनेता मन ले ऊपर दरज सबो राजनीतिक केस वापस होंही।  उहें उमन ह छत्तीसगढ़ म छात्रसंघ के चुनाव के ऐलान घलो करिन ।

 शुक्रवार के मेडिकल कॉलेज स्थित सभागार म एनएसयूआई के छात्र मन के छात्र सम्मेलन आयोजित करे गे रहिस हे। जेमा मुख्य अतिथि के रूप म मुख्यमंत्री भूपेश बघेल, महापौर प्रमोद दुबे, रायपुर पश्चिम विधायक विकास उपाध्याय, रायपुर उत्तर विधायक कुलदीप जुनेजा, एनएसयूआई के राष्ट्रीय अध्यक्ष रूचि गुप्ता उपस्थित रहिन।

 उमन युवा मन ले कहिन के ए छत्तीसगढ़ आप मन के हवय। एखर भविष्य घलो आप मन ल  ही गढ़ना हे। त तइयार हो जावव, जेमा  टैलेंट हे ओला छतीसगढ़ म कोनो रोक नइ सकय।  आघू उमन कहिन के जल्द ही छत्तीसगढ़ म छात्रसंघ के चुनाव होही।

सीएम भूपेश बघेल ह कहिन के बीजेपी सरकार म प्रदरसन करत हुए कई कांग्रेसी मन उपर मामला दरज होए होए, जेमा अब कांग्रेस सरकार वापिस ले के बात कहत हे। उहें कुछु बागी बीजेपी नेता मन-कार्यकर्ता मन उपर घलो रमन सरकार ह मामला दरज करे गेहे , गुन-दोस के आधार म उमन ल भी वापिस लेय जाही।

कार्यक्रम म बघेल ह कहिन के  इहां  अभु 54 हजार ले अधिक शिक्षाकर्मी मन के  पद रिक्त हे ओला हमन  भरबो। सरकार बने डेढ़ महीना होए हो हमन किसान मन के करजा माफ कर देय हन।  संगेच  उमन कहिन के रोजगार ल बढ़ावा दे बर इहां  फूड प्रोसेसिंग यूनिट लगाए जाही।