चोरी के मामला ल रफा दफा करे बर पईसा के लेनदेन के आरोप, एसआई सस्पेंड
रायपुर। चोरी के एक ठन मामला ल रफा दफा करे बर पईसा के लेनदेन के आरोप म एक एसआई ल एसएसपी ह सस्पेंड करिस हे।
जानकारी के मुताबिक उरला थाना म पदस्थ रिहिन एसआई सचिन सिंह के खिलाफ एसएसपी ल गंभीर शिकायत मिले रिहिस। जेखर जांच म आरोप सही पाए गिस, जेखर कारण ओला सस्पेंड करे गिस हे। एसआई सचिन सिंह ऊपर आरोप लगे रहीस कि वो ह सरिया चोरी के एक ठन मामला ल रफा दफा करे बर पईसा के लेनेदेन करे रिहिस। ये मामला म एसएसपी आरिफ शेख ह एसआई ल तत्काल प्रभाव ले सस्पेंड करिन हे।
