CM Bhupesh Baghel ह प्रदेस वासी मन ल दीन बसंत पंचमी अउ सरस्वती पूजा के बधाई

जय जोहार। सीएम भूपेश बघेल (CM Bhupesh Baghel) ह प्रदेस वासी मन ल बसंत पंचमी अउ सरस्वती पूजा के बधाई दीन हैं। सीएम श्री बघेल ह अपन बधाई संदेस म किहीन कि बसंत पंचमी के दिन हमन ह विद्या, कला अउ संगीत के देवी मां सरस्वती के आराधना करत हन। ये ऋतु परिवर्तन के घलो दिन हे ।

ए दिन ले ऋतुराज बसंत के आगमन होत हे, ए बेरा प्रकृति अपन सर्वोच्च निखार बर होत हे, एखर सेती बसंत पंचमी ल हरियाली अउ फसल के तिहार के रूप म घलो मनात हे। ए अवसर म मुख्यमंत्री श्री बघेल ह बसंत पंचमी के पर्व सबो के जिनगी म नवा उमंग, ऊर्जा अउ उत्साह लेके आए के कामना करीन हे।