जय जोहार। (Raipur) मुख्यमंत्री भूपेश बघेल ह शनिवार सँझा अपन निवास कार्यालय म हमर पहिनांव कार्यक्रम के पोस्टर अउ विवरणिका के विमोचन करीन । मुख्यमंत्री ल हमर पहिनांव के आयोजक संस्था वेदिका फाउंडेशन के सदस्य मन ह बताइन कि ए कार्यक्रम म छत्तीसगढ़ के जनजातीय संस्कृति ले जुड़े पहनावे अउ आभूषण के प्रदर्शन करे जाही ।
(Raipur) हमर पहिनांव के तहत लुभावने जनजातीय परिधान अउ आभूषण ल समसामयिक चलन के हिसाब ले डिजाइन कर के आकर्षक रूप दे गेहे। जेखर सेती एखर जादा ले जादा प्रसार हो सके। आयोजक मन ह हमर पहिनांव कार्यक्रम म बतौर मुख्य अतिथि सामिल होय ल मुख्यमंत्री ल न्योता दीन अउ ओखर नेतृत्व म छत्तीसगढ़ के संस्कृति के संरक्षण अउ संवर्धन बर उठाये कदम के तारीफ करीन अउ ओमान ल प्रतीक चिन्ह भेंट करे हे ।
वो हा मुख्यमंत्री ल बताइन कि ए कार्यक्रम म आदिवासी समाज के युवा मन ल मंच घलो प्रदान करे जाही। हमर पहिनांव का आयोजन राज्य के 3 ठीन सहर जगदलपुर, रायपुर अउ बिलासपुर म करे जाही। मुख्यमंत्री ह आयोजक डहार ले छत्तीसगढ़ के जनजातीय संस्कृति ल बढ़ावा दे के परयास के सराहना करीन अउ कार्यक्रम के सफल आयोजन बर सुभकामना दीन । ए अवसर म वेदिका फाउंडेसन के अध्यक्ष गुंजन चंदेल, यश चंदेल, फहीम खान अउ नम्रता पराशर उपस्थित रिहीन ।
