उच्च न्यायालय अउ महाधिवक्ता कार्यालय के कामकाज ह 10 जुलाई तक हो गे स्थगित

जय जोहार…. कोरोना संकट ल देखत हुये उच्च न्यायालय के कामकाज ल 10 जुलाई तक स्थगित कर दे गे हे। एखर संग रजिस्ट्री के सब्बो सेक्शन के संगेसंग महाधिवक्ता कार्यालय ल 10 जुलाई तक बर बंद कर दे गे हे। ए आदेश ल उच्च न्यायालय के रजिस्ट्रार जनरल दीपक कुमर तिवारी ह जारी करे हे।
बता देन कि महाधिवक्ता कार्यालय के एक कर्मचारी ह कोरोना पाजिटिव पाय गे हे। जेखर बाद महाधिवक्ता कार्यालय ल 10 जुलाई तक बर बन्द कर दे गे हे। एखर संग कोरोना संक्रमण ह अउ न फैले एला धियान म रखत हुये उच्च न्यायालय अउ न्यायालय के रजिस्ट्री के सब्बो सेक्शन ल 10 जुलाई तक बर बन्द रखे के निर्णय ले गे हे।