इंद्रावती पार करिस अउ पहुँचिस सुवास्थ टिम, 642 गामीन के करीन सुवास्थ जाँच
‘अतंत दुरगम अउ भितरिया गाँवों में जागी सुग्घर सुवास्थ के नई उमीद’
रायपुर: बीजापुर जिला के भैरमगढ़ बिकासखंड के बड़ दुरगम अउ भितरिया इलाका ‘नूगुर’ में सुवास्थ बिभाग के टिम ह कड़कड़ात मुसकिल के बीच पहुँच के गामीन ला सुवास्थ सुबीता पहुंचाइन। कलेटर बिश्वदीप के मारगदरसन अउ मुख चकितसा अउ सुवास्थ अधिकारी के अगुवई में लगे ‘यूनिवर्सल हेल्थ स्क्रीनिंग सिविर’ ह दुरिहा के गाँव में सुवास्थ चेतना के नवा उमीद जगाए हे। सुवास्थ बिभाग के टिम ह नूगुर, हिंगमेटा अउ हुर्रागवाली गाँव में सिविर लगा के कुल 642 गामीन के सुवास्थ जाँच करिस। ए बेरा में मरीज ला जरूरी दंवाई-पानी मुफत में दिए गिस अउ गंभीर मरीज ला आगू के इलाज बर बड़े हसपताल जाए के सलाह दिए गिस।
इंद्रावती नदिया पार करके पहुँचीस सुवास्थ सुबीता
उप सुवास्थ केंद्र, नूगुर ह बिकासखंड मुखयालय ले कतनो 90 किलोमीटर दुरिहा में हे। उहां पहुँचे बर सुवास्थ टिम ला कतनो 2 किलोमीटर चउड़ा इंद्रावती नदिया ला पार करे बर पड़िस। बड़ दिन ले ए इलाका नक्सल परभाव अउ दुरगम रसता के सेती सरकारी योजना के पहुँच ले दूर रिहिस, पर अब सरकार के योजना धीरे-धीरे ए गाम तक पहुँचत हें। सुवास्थ टिम ह ओघड़ रसता अउ भौगोलक चुनौती के बाद घलो गामीन तक पहुँच के ए साबित कर दारीस कि सरकार के सुवास्थ सुबीता मन ला आखिरी मनखे तक पहुँचाए बर लगातार इमानदार मिहनत करे जात हे।
सुवास्थ सेवा बर बाढ़ीस गामीन के भरोसा सुवास्थ अधिकारी बताइन कि पहिली गामीन सुवास्थ जाँच अउ लइका मन के टीका लगवाए ले बाचत (बचते) रिहिन, पर अब भुईं-सतर (जमीनी स्तर) में सिथति बदल गे हे। गाँव के लोगन मन अब खुद आगू आके सुवास्थ जाँच करवात हें अउ लइका मन ला घलो नियम से टीका लगवावत हें। एकर से गाँव में सुवास्थ बर ना ओकर जागरूकता बाढ़े हे, भलुक लोगन मन के जीबन में घलो सुग्घर बदलाव दिखात हे।
सिविर में होइस बड़हन सुवास्थ जाँच
सुवास्थ जाँच के बेरा में तीन बड़े गाँव में कुल 642 गामीन के जाँच करे गिस, जेकर बिवरण नीचे लिखे हे:
- गाम नूगुर (कुल 207 मरीज): एमा 75 एनसीडी स्क्रीनिंग, 03 जर (बुखार), 05 खुजरी (खुजली), 01 गरभबती महिला के जाँच अउ आन 123 मरीज के सामन्य जाँच सामिल हे।
- गाम हिंगमेटा (कुल 125 मरीज): इहां 42 एनसीडी स्क्रीनिंग, 02 खुजरी के संग 81 आन मरीज के जाँच करे गिस।
- गाम हुर्रागवाली (कुल 310 मरीज): ए सिविर में 115 एनसीडी स्क्रीनिंग, 05 जर, 03 खुजरी अउ 187 आन मरीज के सुवास्थ जाँच करे गिस।
आखिरी छोर तक पहुँचत हे सरकार के योजना
सुवास्थ बिभाग के ए मिहनत सिरिफ इलाज तक सिमित नइ हे, भलुक ए दुरिहा इलाका में रहइया गामीन के भीतर परसासन बर बिसवास, सुवास्थ बर चेतना अउ एक सुग्घर भबिस के उमीद घलो जगावत हे। ए दुरगम इलाका में रोज-रोज सुवास्थ सेवा पहुँचे से अब उहां के गामीन ला सरकार के जनकलयानकारी योजना के सीधा लाभ मिले ला धर लीस हे।
