जनजातीय गरिमा उत्सव: पूरा प्रदेश में ’जन भागीदारी सबसे दूर, सबसे पहले’ अभियान सुरू
जनजातीय इलाका के बिकास में मील के पत्थर साबित होही: मंत्री श्री नेताम
18 ले 25 मई तक चलही ए अभियान
रायपुर, भारत सरकार, जनजातीय कार्य मंत्रालय के निदेस के हिसाब से जनजातीय गरिमा उत्सव के तहत ’जन भागीदारी सबसे दूर, सबसे पहले’ थीम ऊपर अधारित अभियान के आज राज स्तर ऊपर सुभारंभ होइस। मंत्री रामविचार नेताम के अगवाई में बिभाग डहर ले ए अभियान ला चलाय जावत हे। ए मौका ऊपर मंत्री श्री नेताम ह कहिन कि जनजातीय गरिमा उत्सव प्रदेश के जनजातीय बस्ती के सौ फीसदी बिकास में मील के पत्थर साबित होही। ओमन कहिन कि देस के संसोही प्रधानमंत्री नरेन्द्र मोदी जी के बछर 2047 तक बिकसित भारत के संकलपना में जनजातीय इलाका के बिकास के बड़े भूमिका हे।
ओमन कहिन कि जिसने एक ठन मजूत नेव ऊपर ही मजूत इमारत खड़ी करे जा सकथे, वइसने बिकसित भारत के संकलपना में सौ फीसदी जनजातीय बस्ती के बिकास एक मजूत नेव के काम करही। पीएम जनमन, धरती आबा जनजातीय ग्राम उत्कर्ष अभियान, आदि कमयोगी अभियान अउ सर्वेसेतु ऐप में सुघर प्रदर्शन के कारन छत्तीसगढ़ राज ह देस भर में एक आगू रहइया राज के पहिचान बनाये हे। एकरे सेती ए अभियान ला पूरा करे में घलो हमन ला आगू रहत हुये अभियान के असली उदेस ला पाना हे।
आदिम जाति बिकास बिभाग के प्रमुख सचिव सोनमणि बोरा अउ आयुक्त डी. राहुल वेंकट के देख-रेख में अभियान के बराबर मानीटरिंग करे जावत हे। ए अभियान के आयोजन प्रदेश में 18 मई ले 25 मई 2026 तक करे जाना हे। आज पहिली दिन जिला स्तर ऊपर उन्मुखीकरन (ओरिएंटेशन) कारजकरम रखे गय रहाय। जेकर तहत अभियान के बड़े उदेस ला बिस्तार से समझाय गय अउ आपस के तालमेल के संग अभियान ला सफल बनाये के नेवता दिय गय।
ए बात घलो जाने के हे कि ए अभियान के मुख्य उदेस जनजातीय समाज तक सरकार के योजना अउ सेवा ला सही तरीका से पहुंचाना अउ लोगन मन के भागीदारी ला बढ़ाना हे। अभियान के तहत राज स्तर ऊपर बड़े पैमाना में परचार-परसार करे जाही। जेमने जमीनी संपर्क, सेवा संतृप्ति (जम्मो जन ला लाभ देना), सुघर सेहत बर जागरूकता, आदि कर्मयोगी अभियान के तहत बने आदि सेवा केंद्र में जनसुनवाई कारजकरम के आयोजन करे जाही। संग च जनसुनवाई में मिले सिकायत के सूची बनाके ओकर निरकरण करे जाही अउ ए जन भागीदारी अभियान के तहत करे जम्मो बूता के रपट (प्रगति प्रतिवेदन) बनाके हर दिन ‘आदि प्रसारण पोर्टल’ ऊपर अपलोड करे जाही।
प्रदेश में पीएम जनमन योजना के तहत चुने गय 1544 गांव मन, धरती आबा जनजातीय ग्राम उत्कर्ष अभियान के तहत चुने गय 6691 गांव अउ 7222 आदि सेवा केंद्र मन के माधियम से कड़ा जन जागरूकता कारजकरम चलाके जनजातीय हितग्राही ला सरकार के ब्यक्तिमूलक (व्यक्तिगत) योजना के पूरा लाभ दिय जाना हे। संग च, हर एक आदि सेवा केंद्र में जनसुनवाई घलो रखे जाना हे। ए अभियान के तहत सरकार के जनकलयानकारी योजना के जनजातीय गांव में सौ फीसदी लाभ पहुंचाय बर मिले सिकायत अउ समसिया के तुरंते निरकरण करे के संग-संग अलग-अलग बिभाग डहर ले चलत जनकलयानकारी योजना के जानकारी ला आम लोगन तक पहुंचाय जाही।
