Raipur: मोहन भैया ले हमन ल हमेशा सीखे ल मिलिस, प्रेस क्लब म राजधानी के नेता मन के उपस्थिति म पत्रकार मन दिन श्रद्धांजलि

जय जोहार…. छत्तीसगढ़ के वरिष्ठ पत्रकार मोहन राव के गत दिनो निधन हो गिस। ओ मन ल आज प्रेस क्लब (Raipur) म श्रद्धांजलि अर्पित करे गे हे। ए अवसर म रायपुर प्रेस क्लब के अध्यक्ष दामु आंबेजारे ह स्व. मोहन राव के व्यक्तित्व अऊ कृतित्व म प्रकाश डालत हुये कहिन कि मोहन राव ह लंबा पत्रकारिता जीवन म हमेशा सबो साथी मन ल उचित मार्गदर्शन दिस। संगेसंग ओखर उत्साह ल बढाईस।

श्रद्धांजलि सभा म रायपुर (Raipur) महापौर एजाज ढेबर, विधायक विकास उपाध्याय, नगर निगम सभापति प्रमोद दुबे ह घलो स्व. मोहन राव के व्यक्तित्व अऊ कृतित्व म प्रकाश डालत हुये ओ मन ल श्रद्धांजलि अर्पित करिन।

(Raipur) ए अवसर म वरिष्ठ पत्रकार सुभाष मिश्रा, प्रशांत दुबे, प्रफुल्ल ठाकुर, शगुफ्ता शिरीन, राजकुमार सोनी, दीपक पांडे, संतोष साहू, गोकुल सोनी, अनिरुद्ध दुबे, मनोज साहू, सुकांत राजपूत ह घलो स्व. मोहन राव ल श्रद्धांजलि अर्पित करिन अऊ ओखर ले जुड़े स्मृति के वर्णन करिन।