Chhattisgarh भाजपा के नवा कार्यकारिणी हो गे घोसित, पढो पूरा खबर

जय जोहार…. प्रदेश (chhattisgarh) भाजपा अध्यक्ष विष्णुदेव साय ह भाजपा के राष्ट्रीय नेतृत्व के सहमति ले प्रदेश पदाधिकारी मन के घोसना कर दे हे। प्रदेश पदाधिकारी मन म 23 नेता ल जगह मिले हे।
जेमा (chhattisgarh) अध्यक्ष विष्णुदेव साय अऊ उपाध्यक्ष शिवरतन शर्मा बनाय गे हे। मीडिया प्रभारी नलिनेश ठोकने ल बनाय गे हे। उहचे प्रदेश महामंत्री (संगठन) पवन साय बने हे। प्रदेश कार्यसमिति म रमन सिंह, बृजमोहन अग्रवाल, सरोज पाण्डेय समेत 40 नेता मन ल अलग-अलग जिला म जगह मिले हे।
अमित साहू ल भाजयुमो के नवा अध्यक्ष बनाय गे हे। उहचे शालिनी राजपूत ल महिला मोर्चा के अध्यक्ष, श्याम बिहारी ल किसान मोर्चा, नवीन मार्कण्डेय ल अनुसूचित जाति मोर्चा अऊ विकास मरकाम ल अनुसूचित जनजाति मोर्चा के प्रदेश (chhattisgarh) अध्यक्ष बनाय गे हे। उहचे पिछड़ा वर्ग के अध्यक्ष अखिलेश सोनी अउ अल्पसंख्यक मोर्चा के अध्यक्ष आरिफ खान बनाय गे हे।