साइकिल म सवार ममा-भांचा ल रौंद डारिस ट्रक, भांचा संग ममा के टूटगे सांस

रायपुर. राजधानी में इतवार देर रात सड़क हादसा में साइकिल सवार मामा-भांजा के मौत होगे। बिलासपुर ले मिले बर आए अपन भांजा ल ओखर ममा ह साइकिल में बइठार के घर लानत रिहिस हे, इही दौरान उरला थाना क्षेत्र में एक ट्रक ह पाछू ले चपेट में ले लिस। घटना के बाद चालक ह ट्रक सहित भाग निकलिस। सूचना पाके  पुलिस मौका में पहचिस, लेकिन तब तक ममा-भांजा के मौका में ही मौत होगे रिहिस।

जानकारी के मिले हे कि बिलासपुर के बिल्हा से 8 वर्षीय बंटी यादव ह इतवार के क्लासिक वायर कंपनी के सामने रहने वाला अपन मामा  बिसाहू यादव (40) ले मिले बर रायपुर आए रिहिस। इहां वो ह रात के करीब 9.30 बजे उरला थाना क्षेत्र के सिंघानिया चौक के पास उतरिस। ममा ल अपन पहुंचे के जानकारी देके ले जाए बर बुलाइस। साइकिल धर के ममा ओला लाने पर पहुंचिस। दूनों झन साइकिल से घर जात रिहिन, इही दौरान पाछू ले आए ट्रक ह ओमन ल टक्कर मार दिस। ये हादसा में दूनों के मौका में ही मौत होगे।