ट्रक ले टकराइस स्कार्पियो, तीन युवक मन के हो गिस मौत, एक के हालत गंभीर

जय जोहार बलरामपुर…. जिला के चांदो रद्दा म दर्दनाक हादसा होइस। एक तेज रफ्तार स्कार्पियो ह खड़े ट्रक ले टकरा गिस। हादसा म तीन युवक मन के मौत हो गिस। एक अन्य की हालत गंभीर हे। हादसा ल बीती रात के बतावत जात हे।

जानकारी के अनुसार चांदो रद्दा म सड़क किनारे खड़े ट्रक ल स्कार्पियो सवार चालक देख नई पाइस अऊ ट्रक ले जा भिड़िस। जोरदार भिड़ंत होए ले स्कार्पियो म सवार तीन युवक मन के मौत हो गिस।

जानकारी के मुताबिक बीती देर रात के सबो घायल मन ल अस्पताल म भर्ती कराए गिस, जिहां उपचार के दौरान तीन युवक मन ह दम तोड़ दिस। ऊहचे एक के हालत गंभीर हे। तीनों के बारे म अभी कुछ पता नई चल पाइस हे। पुलिस केस दर्ज कर मामला के विवेचना करत हे।