भालू के हमला ले दो झन के मौत, वन विभाग ह दिस मृतक के परिजन मन ल सहायता राशी

जय जोहार सूरजपुर…. जिला के वन परिक्षेत्र कुदरगढ़ के धड़सेड़ी के जंगल म पशु मन ल चराए बर गिस एक किशोर समेत चार झन म भालू ह हमला कर दिस।  ये हमला म दो झन के मौत हो गिस। बता दन कि अन्य दो लोग मन घायल होइस।

जानकारी के अनुसार घटना सनिच्चर के हे।  65 वर्षीय लालजी के संग किशोर राम प्रसाद गांव के समीप जंगल म मवेशी चराए बर गे रहिस। इही दौरान झाड़ी म छिपे भालू ह हमला कर दिस।  दोनों के चीख-पुकार ले ग्रामीण मन कोनो तरह भालू के चंगुल ले वो मन ल अलग करिस, लेकिन ओखर मन के मौत होगे रहिस। ऊहचे दो अन्य लोग मन घायल हो गिस।

मउका म पहुंचिस वन विभाग के टीम ह घायल मन ल अस्पताल ले जाकर उपचार कराइस अऊ घर भेज दिस। संगे संग वन विभाग ह मृतक मन के परिजन मन ल तत्काल 25 हजार रूपिया के सहायता राशी दिस हे।