अब ग्रामीण मन के परेशानी होइस दूर, एक बार म मिलिस दु महीना के राशन
जय जोहार कोरिया…. लॉकडाउन के दौरान खाद्य विभाग के तरफ ले जिला के पांच विकासखंड म संचालित 349 शासकीय उचित मूल्य के दुकान के माध्यम ले एक लाख 37 हजार 203 बीपीएल परिवार मन ल दु माह के नि:शुल्क राशन के वितरण करे जात हे। संगेसंग 27 हजार 287 एपीएल परिवार मन ल 10 रूपिया के दर ले अप्रैल माह के चावल वितरण करे जात हे। अब गरीब परिवार मन ल अपन भोजन के व्यवस्था करे के चिंता ले मुक्ति मिले हे।
शसन के निर्देशानुसार लॉकडाउन के दौरान बिना राशन कार्डधारी 6974 लोग अऊ 14329 अति गरीब लोग मन ल जिला प्रशासन के तरफ ले राशन सामग्री उपलब्ध कराए गे हे। जनप्रतिनिधि, नगरीय निकाय, जनपद पंचायत अऊ स्वयंसेवी संस्थान मन के तरफ ले 16565 खाद्यान्न पैकेट वितरित करे जा चुके हे। जिला प्रशासन के तरफ ले 437.76 क्विंटल चावल अऊ 70.27 क्विंटल दाल के वितरण करे गे हे। जिला प्रशासन ह लॉकडाउन के दौरान जिला के प्रभावित श्रमिक, जरूरतमंद मन ल घलो नि:शुल्क राशन उपलब्ध करात हे।
