आवाज अउ अभिनय एक्के साथ हे मुस्कान के, छत्तीसगढ़ महतारी एल्बम म

छत्तीसगढ़ी फिलिम आई लव यू टू के हीरोइन मुस्कान साहू ह गायकी में घलोक पारंगत हे , वो ह जतना अच्छा अभिनय करथे वतना ही अच्छा गीत गाथे घलो, मुस्कान के ये विशेषता अब दर्शक मन ल यूट्यूब के माध्यम से पता चलत हे।

ओखर एल्बम छत्तीसगढ़ महतारी म वो ह स्वर घलोक दे हे अउ अभिनय भी करे हे।एखर शूटिंग हो गे हे, एला 19 अगस्त के रिलीज करे जाही। ये एल्बम म मुस्कान के संग अभिनय करें हे चंदन दास ह । निर्माता रिंकू साहू हां बताईस कि एल्बम के ये गीत के शूटिंग म ग्रुप डांसर लिए गे हवे , गीत ल सुंदर बनाये बर पहाड़ी ल लोकेशन बर चुने गिस । एखर नृत्य निर्देशन बर छत्तीसगढ़ी सिनेमा के जाने-माने नृत्य निर्देशक निशांत उपाध्याय ल बलाये गिस अउ कैमरा बर संजू तांडी ल ।

ये गाना के शूटिंग में एक बड़ा टीम ह काम करे हे एखरे सेती बहुत सुंदर गीत बने हे । 19 अगस्त के सुबह 7:00 बजे एला रिलीज करे जही। मुस्कान साहू ह अपन ये गीत ल ज्यादा से ज्यादा देखे के अपील अपन दर्शक मन कर करे हवे।