का का करे हे एक साल म भूपेश , बताही काली , लिही पत्रकार वार्ता….

राज्य म कांग्रेस ल सत्ता म आय काली पूरा एक साल हो जाही , ये एक साल कब निकल गे पता नई चलीस काबर कि एक साल म लोकसभा , विधान सभा अऊ नगर निगम के चुनाव माढ गे रिहिस , काली इही बोलने वाला हे मुख्यमंत्री जी ह . वो ह ये दौरान अपन एक साल के उपलब्धि ल गिनाही अऊ अवैय्या चार साल के कार्ययोजना ले घलो अवगत कराही

ये पत्रकारवार्ता बर राजिव भवन ल तीन रंग ले सजाये जात हे . इन्हा मुख्यमंत्री ह पत्रकार मन के सवाल के जवाब घलो दिही . बहुत दुःख के बात हे कि ये पत्रकार वार्ता म हमर प्रिय पत्रकार कौशिक जी नई रही काबर कि अचानक वो ह हमर बीच ले चल दिस . कौशिक जी ल मुख्यमंत्री घलो काली याद करही अऊ श्रधांजलि व्यक्त करही

इही दौरान मुख्यमंत्री ह पूरा एक साल के खाका सामने रखही अऊ आगामी योजना के जानकारी दिही, ये मौका म कैबिनेट मंत्री मन घलो उपस्थित रह सकथे ..