Raipur: जल संरक्षण के जानकारी के संग मिलही मनोरंजन अउ सैर सपाटा बर पार्क, पढ़व
जय जोहार…. (Raipur) नगरीय प्रसासन मंत्री डॉ. शिवकुमार डहरिया ह एक घांव फेर परियावरन संरक्षण के दिसा म बड़का कदम उठाए हे । वो हा जल संरक्षण के दिसा म वॉटर हार्वेस्टिंग सैक्षणिक, प्रसिक्षण एवं सोध केंद्र के स्थापना के पहल करे हे। ओखर ए पहल ले जिहां रायपुर जिला वासी मन ल जल संरक्षण के जानकारी मिलहि, उहें ए केंद्र म रिसर्च के संग मनखे मन ल मनोरंजन अउ सैरसपाटा बर भव्य पार्क घलो मिलही ।
मंत्री डॉ डहरिया ह 17 करोड़ 93 लाख रुपिया के लागत ले आरंग म बनइया रेनवाटर हार्वेस्टिंग सैक्षणिक, प्रसिक्षण अउ सोध केंद्र अउ उद्यान निर्माण काम के भूमिपूजन करण। (Raipur) ए अवसर म वो हा कि छत्तीसगढ़ के सरकार ह मुख्यमंत्री भूपेश बघेल के नेतृत्व म प्रदेस ल हरा भरा बनाय बर न सिरिफ पौधरोपण ल बढ़ावा देवत हे, नदी-नाला ल उपचारित कर पुनर्जीवित करे के कोसिस घलो करत हे।
वो हा किहीन कि आरंग में वॉटर हार्वेस्टिंग सैक्षणिक, प्रसिक्षण, सोध केंद्र अउ उद्यान बने ले अवइया पीढ़ी ल पानी बचाय ले लेके एखर महत्ता के जानकारी मिलहि। (Raipur) रिसर्च ले जल संरक्षण के नवा नवा तौर तरीका न घलो जान पाहि। ये केंद्र न सिर्फ आरंग वासी मन बर बहुउपयोगी साबित होही, अपितु राजधानी, नवा रायपुर समेत आसपास के आन जिला के मनखे मन बर घलो ज्ञान के संग मनोरंजन अउ सुकून प्रदान करहि।
