खेत म मिलिस अज्ञात महिला के नग्न लाश, इलाका म फैल गे सनसनी

मुंगेली। सिंघनपुरी गांव म अज्ञात महिला की नग्न हालत म लाश मिले ले आसपास के इलाका म सनसनी फैल गे हे। महिला के लाश ह संदिग्ध परिस्थिती म सड़क ले लगे खेत म मिलिस हे। मृतिका के पहचान ल छुपाए बर चेहरा ल पत्थर मार के कुचर दे हे। पुलिस ह जांच म जुटिन हे।

सिंघनपुरी गांव के लोगन जब रोज के तरह काम करे बर खेत पहुंचीस त उहां एक झन महिला के लाश ल देखके घबरा गे, ताहन फौरन एखर सूचना फास्टरपुर थाना म दिस हे। ताहन पुलिस ह मौका म पहुंच के जांच म जुटिन हे। उहें थाना प्रभारी आशीष अरोरा ह बतइन कि खेत ले लगे सड़क म खून के चिनहा हे अउ लाश ल घसीटे के निशान हे। मृतका के शरीर अउ सिर म चोट के निशान घलो हे। अभी ये पूरा मामला ह हत्या के लागत हे। फिलहाल मृतिका के शिनाख्त होय के बाद आघू के कार्रवाई करे जाहि।